పారిస్ వేదికగా ఏఐ శిఖరాగ్ర సదస్సు:పాల్గొననున్న ప్రధాని మోడీ

ప్రధాని నరేంద్రమోడీ ఫ్రాన్స్, అమెరికా పర్యటనలో ఉన్నారు. నిన్న బయలుదేరి వెళ్లిన ఆయన ఫ్రాన్స్ చేరుకున్నారు. ఫ్రాన్స్ లో ఆయనకు ఘన స్వాగతం లభించింది. పారిస్ లో జరగనున్న ఆర్టిఫీషియల్ ఇంటెలిజెన్స్ శిఖరాగ్ర సదస్సుకు ప్రధాని మోడీ సహా అధ్యక్షునిగా వ్యవహరించనున్నారు. ఈ సదస్సులో ప్రధాని మోడీ సహా 100 దేశాలకు చెందిన సంస్థల సీఈవోలు, శాస్త్రవేత్తలు పాల్గొంటున్నారు. రేపు ఫ్రాన్స్ నుండి అమెరికా బయలుదేరతారు. నైపుణ్య శిక్షణా రంగం (స్కిల్ ట్రైనింగ్) లో భారత్ అగ్రరాజ్యమని ఫ్రాన్స్ అధ్యక్షుడు ఇమ్మానుయేల్ మెక్రాన్ అన్నారు. సాంకేతిక రంగంలో భారత్ సాధించిన అభివృద్ధిని ఆయన ప్రశంసించారు. భారత్ ప్రతి సంవత్సరం 10 లక్షల మంది ఇంజనీర్లను తయారుచేస్తుందని అమెరికా, యూరప్ దేశాలన్నీ కలిసిన ఇంతమంది ఇంజనీర్లు తయారవడం లేదని అన్నారు. అందుకే భారత్ స్కిల్ సెక్టార్ లో ఒక అగ్రరాజ్యమని అన్నారు. ప్రధాని మోడీ పర్యటన నేపథ్యంలో ఆయన ఫ్రెంచ్ మీడియా సంస్థలకు ఇంటర్వ్యూ ఇచ్చారు.