శ్రీకాళహస్తి బ్రహ్మోత్సవాలకు ప్రభాస్ కు ఆహ్వానం అందించిన ఎమ్మెల్యే బొజ్జల సుధీర్

మహా శివరాత్రి వేడుకలకు ఆంధ్రప్రదేశ్ లోని సుప్రసిద్ధ శైవ క్షేత్రాలు ముస్తాబవుతున్నాయి.కాగా శ్రీకాళహస్తిలోని ముక్కంటి ఆలయంలో ఈ నెల 21 నుండి మార్చి 6 వరకు బ్రహ్మోత్సవాలు నిర్వహించనున్నారు.అయితే
ఈ ఉత్సవాల కోసం స్థానిక టీడీపీ ఎమ్మెల్యే బొజ్జల సుధీర్ రెడ్డి స్వయంగా ప్రముఖులను కలిసి ఆహ్వానిస్తున్నారు.తాజాగా ఆయన రెబెల్ స్టార్ ప్రభాస్ ను కలిశారు.అయితే హైదరాబాదులోని ఫౌజీ సినిమా సెట్స్ వద్దకు వెళ్లిన సుధీర్ రెడ్డి…ప్రభాస్ కు శ్రీకాళహస్తి బ్రహ్మోత్సవాల ఆహ్వాన పత్రికను అందజేశారు.శ్రీకాళహస్తీశ్వరుడి బ్రహ్మోత్సవాలతో పాటు గుడిమల్ల బ్రహ్మోత్సవాలకు కూడా కుటుంబసమేతంగా రావాలని ఆహ్వానించారు.ఈ మేరకు నిర్వహిస్తున్న కార్యక్రమాల వివరాలను ప్రభాస్ కు సుధీర్ రెడ్డి వివరించారు.