విలక్షణ నటుడు ఆది పినిశెట్టి ప్రధాన పాత్రలో రూపొందుతున్న చిత్రం ‘శబ్దం’. లైలా, సిమ్రాన్, లక్ష్మీ మీనన్ తదితరులు ఇతర ముఖ్య పాత్రల్లో నటిస్తున్నారు. అరివళగన్ దర్శకత్వం వహించారు. తమన్ సంగీతం సమకూర్చారు. 7జీ ఫిలిమ్స్ పతాకంపై శివ నిర్మించారు. ఈనెల 28న ఈచిత్రం ప్రేక్షకుల ముందుకు రానుంది. హార్రర్ థ్రిల్లర్ గా తెరకెక్కిన ఈ చిత్రం నుండి తాజాగా ట్రైలర్ విడుదలైంది. టైటిల్ కు తగినట్లుగా ఆసక్తికరంగా తెరకెక్కించినట్లు ట్రైలర్ చూస్తుంటే అర్థమవుతోంది.
