ఐసీసీ ప్రకటించిన తాజా వన్డే ర్యాంకింగ్స్ లో భారత యువ ఆటగాడు శుభ్ మాన్ గిల్ 796 పాయింట్లతో అగ్రస్థానంలో కొనసాగుతున్నాడు. పాకిస్థాన్ బ్యాటర్ బాబర్ అజామ్ 773 పాయింట్లతో రెండో స్థానంలో, భారత కెప్టెన్ రోహిత్ శర్మ 761 పాయింట్లతో మూడో స్థానంలో రన్ మెషీన్ విరాట్ కోహ్లీ 727 పాయింట్లతో నాలుగో స్థానంలో కొనసాగుతున్నారు. ఇక 2023 ప్రపంచ కప్ సందర్భంగా మొదటి సారి గిల్ నెంబర్ వన్ ర్యాంక్ దక్కించుకున్న సంగతి తెలిసిందే. శ్రేయాస్ అయ్యర్ కూడా 9వ ర్యాంకుతో టాప్ 10లో కొనసాగుతున్నాడు. టీమ్ ర్యాంకింగ్స్ లో భారత్ అగ్రస్థానంలో కొనసాగుతోంది.
