గతేడాది జరిగిన అమెరికా అధ్యక్ష ఎన్నికల్లో గెలిచి గత నెలలో ప్రెసిడెంట్ గా బాధ్యతలు స్వీకరించిన డొనాల్డ్ ట్రంప్ తన విజయంపై కీలక వ్యాఖ్యలు చేశారు. ఈ ఎన్నికలలో ఓటమి చెంది ఉంటే తన పరిస్థితి దారుణంగా ఉండేదని పేర్కొన్నారు. మియామీ లో నిర్వహించిన ఒక సదస్సులో ఆయన మాట్లాడారు. గత ప్రభుత్వం తనతో దారుణంగా వ్యవహారించినట్లు ఆరోపించారు. న్యాయపరమైన సమస్యలు ఎదుర్కొంటూ జీవితం గడిపే పరిస్థితి వచ్చేదని తెలిపారు. ప్రెసిడెంట్ గా గెలిచినందుకు సంతోషంగా ఉందని పేర్కొన్నారు. ఇక 2024 ప్రెసిడెంట్ ఎలక్షన్ లో కమలా హారిస్ పై ట్రంప్ ఘన విజయం సాధించిన సంగతి తెలిసిందే.
