గతేడాది ‘దేవర’తో మంచి విజయాన్ని అందుకున్నారు అగ్ర నటుడు జూనియర్ ఎన్టీఆర్. ప్రస్తుతం ఆయన ‘కె.జి.ఎఫ్’, ‘సలార్’ వంటి భారీ చిత్రాలతో ఆకట్టుకున్న ప్రశాంత్ నీల్ దర్శకత్వంలో చిత్రాన్ని చేస్తున్నారు. తాజాగా ఈచిత్రం షూటింగ్ ప్రారంభమైంది. ఈ విషయాన్ని చిత్ర బృందం ధ్రువీకరించింది. మైత్రీ మూవీ మేకర్స్, ఎన్టీఆర్ ఆర్ట్స్ పతాకాలపై రూపొందనున్న ఈచిత్రం పై భారీ అంచనాలు నెలకొన్నాయి. ఇండియన్ సినిమా చరిత్రలో నిలిచిపోయే రీతిలో ఈచిత్రం రానుందని చర్చించుకుంటున్నారు. మంచి యాక్షన్ ఎంటర్టైనర్ గా సినీ ప్రియులను ఆకట్టకుంటోందని ఎన్టీఆర్ అభిమానులు ఆకాంక్షిస్తున్నారు. ఇతర తారాగణం, సాంకేతిక నిపుణుల వివరాలు తెలియాల్సి ఉంది.
