తెలంగాణ కాంగ్రెస్ సీనియర్ నాయకుడు వి. హనుమంతరావు ఆంధ్రప్రదేశ్ ముఖ్యమంత్రి చంద్రబాబును కలిశారు.ఈ మేరకు విజయవాడలో సీఎంను కలిసిన వీహెచ్ ఆంధ్రప్రదేశ్ లో ఒక జిల్లాకు నాటి ఉమ్మడి ఆంధ్రప్రదేశ్ ముఖ్యమంత్రి, దివంగత నేత దామోదరం సంజీవయ్య పేరును పెట్టాలని, స్మృతివనం నిర్మించాలని కోరారు.కాగా దీనికి సీఎం చంద్రబాబు సానుకూలంగా స్పందించారని ఆయన తెలిపారు.దళిత సీఎం అయిన సంజీవయ్య అత్యంత నిజాయితీపరుడని వీహెచ్ కొనియాడారు.
