సిబ్బందిపై చేయి వేసినందుకు పదవి నుండి వైదొలిగిన న్యూజిలాండ్ మంత్రి ఆండ్రూ బేలీ..!

తన సిబ్బందిపై కేవలం చేయి వేసినందుకు న్యూజిలాండ్ మంత్రి ఆండ్రూ బేలీ ఏకంగా పదవి నుండి వైదొలిగాడు . ఈ విషయాన్ని ఆండ్రూ బేలీ తాజాగా మీడియాకు తెలిపారు. ఇటీవలే తాను రాజీనామా సమర్పించినట్లు వెల్లడించారు. ప్రధాని క్రిస్టొఫర్ లక్సన్ ఆమోదం తెలిపారని పేర్కొన్నారు. ఒక చర్చలో భాగంగా మాట్లాడుతూ తన సిబ్బంది భుజంపై చేయి వేశానని ఆ సమయంలో తన ప్రవర్తన అహంకారపూరితమైనదేనని అంగీకరించారు. తన సిబ్బంది పట్ల తన తీరు అమర్యాదకరంగా ప్రవర్తించినట్లుందని ఆవిధంగా చేసి ఉండకూడదని విచారం వ్యక్తం చేశారు. తనను మన్నించాలని ఆయన కోరారు. ఈ వ్యవహారంపై ఇప్పటికే పోలీస్ కేసు నమోదైనట్లు ఆండ్రూ తెలిపారు. మంత్రి పదవికి మాత్రమే రాజీనామా చేశానని, ఎంపీగా కొనసాగనున్నట్లు ఆండ్రూ స్పష్టం చేశారు.