టీమ్‌ఇండియా లెగ్‌ స్పిన్నర్‌ యజువేంద్ర చాహల్‌, ధనశ్రీ వర్మ వివాహ బంధానికి అధికారికంగా ముగింపు పలికింది. ముంబై ఫ్యామిలీ కోర్టు గురువారం వీరి విడాకులను మంజూరు చేసింది. 2022 నుంచే వీరు విడిగా ఉంటున్నందున కూలింగ్‌ పీరియడ్‌ అవసరం లేదని బాంబే హైకోర్టు స్పష్టం చేసింది. దీంతో మార్చి 20లోపు తుది తీర్పు ఇవ్వాలని ఫ్యామిలీ కోర్టును ఆదేశించింది. ఈ నేపథ్యంలో విడాకులు మంజూరు చేస్తూ కోర్టు నిర్ణయం తీసుకుంది. భరణంగా ధనశ్రీకి రూ. 4.75 కోట్లు చెల్లించేందుకు చాహల్‌ అంగీకరించగా, ఇప్పటికే రూ. 2.37 కోట్లు ఇచ్చినట్లు సమాచారం. 2020లో పెళ్లి చేసుకున్న ఈ జంట, ఇటీవల సోషల్‌ మీడియా ఖాతాల్లో మార్పులు చేయడంతో విడాకులపై ఊహాగానాలు ఊపందుకున్నాయి.
