ప్రపంచవ్యాప్తంగా హిట్ అయిన ‘స్క్విడ్ గేమ్’ వెబ్‌సిరీస్‌లో కీలక పాత్ర పోషించిన కొరియన్ నటుడు ఓ యోంగ్ సు చర్చనీయాంశంగా మారారు.80 ఏళ్ల వయసులోనూ తన అభినయంతో ప్రేక్షకుల హృదయాలను గెలుచుకున్న ఆయనపై లైంగిక వేధింపుల కేసు నమోదు కావడం ఆందోళన కలిగించింది.కొన్ని సంవత్సరాల క్రితం ఓ జూనియర్ ఆర్టిస్ట్‌ను లైంగికంగా వేధించారన్న ఆరోపణలపై కేసు దాఖలైంది.బాధితురాలు న్యాయస్థానాన్ని ఆశ్రయించి, తన జీవనాధారమైన నటనా రంగంలో అవకాశాలు కోల్పోయినట్లు తెలిపారు.కోర్టు విచారణలో ఓ యోంగ్ సు తాను ఎటువంటి తప్పూ చేయలేదని పేర్కొన్నారు.అయితే,పశ్చాత్తాపం వ్యక్తం చేయకపోవడం కోర్టు దృష్టిని ఆకర్షించింది.అందుబాటులో ఉన్న ఆధారాలు,వాదనల ఆధారంగా న్యాయస్థానం ఏడేళ్ల జైలు శిక్ష విధించింది.ఓ యోంగ్ సు సినీ పరిశ్రమలో దాదాపు 50 సంవత్సరాల అనుభవం కలిగిన ప్రముఖుడు. ఈ కేసు కొరియన్ సినీ పరిశ్రమలో తీవ్ర చర్చకు దారి తీస్తోంది.
