ఇటీవల పరిస్థితుల నేపథ్యంలో వాయిదా పడిన ఐపీఎల్ ను తిరిగి ప్రారంభించేందుకు బీసీసీఐ నిర్ణయించింది. ఈ నెల 17 నుండి సవరించిన షెడ్యూల్ తో ఐపీఎల్ జరగనుంది. కొత్త షెడ్యూల్ ప్రకారం జూన్ 3న ఐపీఎల్ ఫైనల్ జరగనుంది. భారత్-పాకిస్థాన్ ల మధ్య ఉద్రిక్తతల కారణంగా ఈనెల 8న ఆగిన ఈ టోర్నీ తిరిగి 17న ప్రారంభం కానుంది. బెంగళూరు వేదికగా కోల్ కతా-ఆర్సీబీ ల మధ్య మ్యాచ్ జరగనుంది. బెంగళూరు, ఢిల్లీ, జైపూర్, లక్నో, అహ్మదాబాద్, ముంబైలో మిగతా లీగ్ మ్యాచ్ లు జరుగుతాయి. ప్లే ఆఫ్స్ వేదికలు తరువాత ప్రకటించనున్నారు. హైదరాబాద్ లో జరగాల్సిన రెండు మ్యాచ్ లను తరలించారు.
