మలేసియా మాస్టర్స్ సూపర్ 500 టోర్నీలో భారత షట్లర్ కిడాంబి శ్రీకాంత్ మెయిన్ డ్రాలోకి ప్రవేశించాడు. తాజాగా జరిగిన పురుషుల సింగిల్స్ రెండో అర్హత రౌండ్లో శ్రీకాంత్ 9-21, 21-12, 21-6తో చైనీస్ తైపీకి చెందిన హువాంగ్ యు పై విజయం సాధించాడు. అంతకుముందు మొదటి అర్హత రౌండ్లో శ్రీకాంత్ 21-8, 21-13తో చైనీస్ తైపీకే చెందిన కువాన్ లిన్ పై గెలిచాడు. మిగతా మ్యాచ్లో తరుణ్ మన్నేపల్లి 13-21, 21-23తో థాయ్ లాండ్ కు చెందిన పనిచఫోన్ చేతిలో శంకర్ సుబ్రమణ్యన్ 20-22, 20-22తో చైనాకు చెందిన షువాన్ చెన్ చేతిలో ఓడి టోర్నీ నుండి నిష్క్రమించారు.
