సీనియర్ నటుడు అక్కినేని నాగార్జున, తమిళ స్టార్ హీరో ధనుష్‌, నటి రష్మిక మంథన ప్రధాన పాత్రధారులలో వస్తున్న మూవీ ‘కుబేర’. వైవిధ్యమైన దర్శకుడు శేఖర్‌ కమ్ముల ఈ సినిమాకు దర్శకత్వం వహిస్తున్నారు. దేవిశ్రీప్రసాద్ సంగీతం అందిస్తున్నారు. ఇక ఈ సినిమా ప్రచార కార్యక్రమాల్లో భాగంగా, చిత్ర యూనిట్‌ నేడు ‘ట్రాన్స్ ఆఫ్ కుబేర’ పేరిట ఓ ప్రత్యేక టీజర్‌ను ప్రేక్షకులతో పంచుకుంది. ఈ టీజర్ ద్వారా సినిమాలోని నాలుగు కీలక పాత్రలను పరిచయం చేశారు. ఆసక్తికరమైన అంశమే మేమిటంటే , ఈ టీజర్‌లో ఎక్కడా డైలాగ్స్ లేకపోవడం గమనార్హం. కేవలం ‘నాది నాది.. నాదే ఈ లోకమంతా’ అనే ఫిలాసఫికల్ సాంగ్ నేపథ్యంగా సాగుతూ, పాత్రల స్వభావాలను సూచనప్రాయంగా చూపించారు. ఈ పాట టీజర్‌కు ప్రధాన ఆకర్షణగా నిలిచింది.
