ఇంగ్లాండ్ లో పర్యటించే భారత జట్టుకు టి.దిలీప్ ఫీల్డింగ్ కోచ్ గా నియమితుడయ్యాడు. బోర్డర్-గావస్కర్ ట్రోఫీలో భారత్ ఓటమి తర్వాత అసిస్టెంట్ కోచ్ అభిషేక్ నాయర్ తో పాటు దిలీప్ ను తప్పించాలని గత నెలలోనే బీసీసీఐ నిర్ణయించింది. ఫీల్డింగ్ కోచ్ గా సరైన ప్రత్యామ్నాయం దొరకకపోవడంతో ఇంగ్లాండ్ పర్యటనకు అతనిని కొనసాగిస్తోంది. దిలీప్ మంచి కోచ్. 2021 నుండి అతడు జట్టుకు సేవలందించాడు జట్టులో ఎక్కుమందితో అతడికి సాన్నిహిత్యం ఉందని అందుకే ఇంగ్లాండ్ సిరీస్ కు దిలీప్ ను తీసుకెళ్తున్నామని బీసీసీఐ తెలిపింది.
