లార్డ్స్ వేదికగా ఆస్ట్రేలియా-సౌతాఫ్రికా జట్ల మధ్య జరుగుతున్న ప్రపంచ టెస్ట్ ఛాంపియన్ షిప్ (WTC) ఫైనల్ మొదటి రోజు ఆటలో బౌలర్లు పూర్తి ఆధిపత్యం కనబరిచారు. మ్యాచ్ లో మొదటి రోజు బ్యాటింగ్ చేసిన ఆస్ట్రేలియా మొదటి ఇన్నింగ్స్ లో 56.4 ఓవర్లలో 212 పరుగులకు ఆలౌటయింది. వెబ్స్టర్ 72 (92 బంతుల్లో 11×4), స్టీవ్ స్మిత్ 66 (112 బంతుల్లో 10×4) హాఫ్ సెంచరీలతో ఆకట్టుకున్నారు. అలెక్స్ కేరీ (23) పరుగులు చేశాడు. మిగతా బ్యాటర్లు పెద్దగా పరుగులు చేయలేకపోయారు. సౌతాఫ్రికా బౌలర్లలో కగిసో రబడా 5 వికెట్లతో మంచి ప్రదర్శన కనబరిచాడు. జాన్సన్ 3 వికెట్లు, కేశవ్ మహారాజ్, ఏడెన్ మార్క్రమ్ ఒక్కో వికెట్ చొప్పున పడగొట్టారు. అనంతరం మొదటి ఇన్నింగ్స్ బ్యాటింగ్ ఆరంభించిన సౌతాఫ్రికా కూడా ఆంటీ ముగిసే సమయానికి 4 వికెట్ల నష్టానికి 43 పరుగులు చేసింది. రికెల్టన్ (16), ఏడెన్ మార్క్రమ్ (0), ముల్లర్ (6), స్టబ్స్ (2) త్వరగా అవుటై పెవిలియన్ చేరారు. స్టార్క్ 2 వికెట్లు, కమ్మిన్స్, హేజల్ వుడ్ ఒక్కో వికెట్ తీశారు. సౌతాఫ్రికా 169 పరుగుల వెనుకంజలో ఉంది.
