శుభాంశు శుక్లా అంతరిక్ష యాత్ర మరోసారి వాయిదా… త్వరలో కొత్త తేదీ ప్రకటన

శుభాంశు శుక్లా అంతరిక్ష యాత్ర మళ్లీ వాయిదా పడింది. భారత వ్యోమగామి శుభాంశు శుక్లా అంతరిక్ష యాత్ర మరోసారి వాయిదా పడింది. ఈ నెల 22న ఈ అంతరిక్ష యాత్ర ఉంటుందని ఇటీవల ఇస్రో ప్రకటించిన విషయం తెలిసిందే. అయితే, తాజాగా ఈ యాక్సియం-4 ప్రయోగం వాయిదా పడినట్లు నాసా ఓ ప్రకటనలో పేర్కొంది. ఈ ప్రయోగానికి సంబంధించిన కొత్త తేదీని త్వరలోనే ప్రకటిస్తామని తెలిపింది. యాక్సియం-4 కింద మరో ముగ్గురు ఆస్ట్రోనాట్ లతో కలిసి ఈ యాత్రను శుభాంశు శుక్లా చేయనున్నారు. అమెరికాకి చెందిన ఒక కమర్షియల్ స్పేస్ సంస్థ ఈ యాత్ర నిర్వహిస్తోంది. భారత అంతరిక్ష సంస్థ (ఇస్రో), అమెరికా అంతరిక్ష సంస్థ (నాసా), యూరోపియన్ అంతరిక్ష సంస్థ (ఈఎస్ఏ) లు ఇందులో భాగస్వామ్యం వహిస్తున్నాయి. ఈ స్పేస్ క్యాప్సుల్ ను ఫాల్కన్ 9 రాకెట్ నింగిలోకి తీసుకెళ్లనుంది. ఇందులో శుభాంశు మిషన్ పైలెట్ గా ఉంటారు. ఇంటర్నేషనల్ స్పేస్ సెంటర్ లో శుభాంశు టీమ్ 14 రోజులు ఉండనుంది.