చైనా మాస్టర్స్ ప్రపంచ టూర్:తనకన్నా మెరుగైన ర్యాంకర్ పై గెలిచి సత్తా చాటిన అనుపమ

చైనా మాస్టర్స్ ప్రపంచ టూర్ సూపర్ 750 టోర్నీలో భారత యువ షట్లర్ అనుపమ ఉపాధ్యాయ శుభారంభం చేసింది. తనకంటే మెరుగైన ర్యాంకర్ పై విజయంతో ప్రిక్వార్టర్ ఫైనల్లోకి ప్రవేశించింది. మహిళల సింగిల్స్ తొలి రౌండ్లో అనుపమ 21-17, 8-21, 22-20తో 15వ ర్యాంకర్ అమెరికాకు చెందిన బీవెన్ జాంగ్ పై గెలిచింది. ప్రపంచ ర్యాంకింగ్స్ లో 50వ స్థానంలో ఉన్న అనుపమ 48 నిమిషాల్లో ప్రత్యర్థిపై గెలిచి అదరగొట్టింది.
మరో మ్యాచ్లో ఆకర్షి కశ్యప్ 10-21, 18-21తో జపాన్ కు చెందిన తొమొక మియజాకి చేతిలో పరాజయం చెందింది. మిక్స్డ్ డబుల్స్ సుమీత్ రెడ్డి- సిక్కిరెడ్డి ద్వయం ప్రిక్వార్టర్స్ చేరుకుంది. తొలి రౌండ్లో సుమీత్- సిక్కి జోడీ 23-21, 17-21, 21-17తో అమెరికా జోడీ ప్రెస్లీ స్మిత్- జెనీ పై విజయం సాధించింది. పురుషుల సింగిల్స్ తొలి రౌండ్లో ప్రియాన్షు రజావత్ 24-22, 13-21, 18-21తో ఇండోనేషియాకు చెందిన చికో వార్డోయో చేతిలో ఓటమి చెందాడు.