పెర్త్ వేదికగా జరుగుతున్న బోర్డర్ గవాస్కర్ ట్రోఫీ మొదటి టెస్టు రెండో రోజు ఆటలో భారత జట్టు పూర్తి ఆధిపత్యం కనబరిచింది. రెండో రోజు 67-7తో బ్యాటింగ్ ఆరంభించిన ఆసీస్ అలెక్స్ క్యారీ (21), స్టార్క్ (26) లైయాన్ (5) వికెట్లు కోల్పోయి 104 పరుగులకు ఆలౌటయింది. దీంతో భారత్ కు మొదటి ఇన్నింగ్స్ లో 46 పరుగుల ఆధిక్యం లభించింది. బుమ్రా 5 వికెట్లు, సిరాజ్ 2 వికెట్లు, హార్షిత్ రాణా 3వికెట్లు పడగొట్టారు. ఇక రెండో ఇన్నింగ్స్ ప్రారంభించిన భారత్ ఆస్ట్రేలియా బౌలింగ్ ను ఎదుర్కొని పటిష్ట స్థితిలో నిలిచింది. ఆట ముగిసే సమయానికి యశస్వీ జైశ్వాల్ 90నాటౌట్ (193 బంతులు 7×4, 2×6), కే.ఎల్.రాహుల్ 62 నాటౌట్(153 బంతులు 4×4) వికెట్ నష్టపోకుండా ఆస్ట్రేలియా బౌలర్లను ఓపికగా ఆడుతూ పరుగులు రాబట్టారు. దీంతో భారత్ ప్రస్తుతం 218 పరుగుల ఆధిక్యంలో ఉంది.
