మహిళలకు పెద్దఎత్తున ఉపాధి అవకాశాలు కల్పించే నూతన టెక్స్ టైల్ పాలసీకి ఆమోదం

గ్రామీణ ప్రాంత మహిళలకు పెద్దఎత్తున ఉపాధి అవకాశాలు కల్పించే నూతన టెక్స్ టైల్ పాలసీ ముసాయిదాను ఏపీ సీఎం చంద్రబాబు నేడు ఆమోదించారు. నూతన టెక్స్ టైల్ పాలసీపై తాజాగా ఆయన సమీక్ష నిర్వహించారు. ఈ కార్యక్రమంలో మంత్రి శ్రీమతి ఎస్ సవిత, అధికారులు పాల్గొన్నారు. రూ.10 వేల కోట్ల పెట్టుబడులు లక్ష్యంగా రూపొందించిన నూతన టెక్స్ టైల్ పాలసీ ముసాయిదా పై సీఎం చంద్రబాబు సంతృప్తి వ్యక్తం చేశారు. దీని ద్వారా 2 లక్షల మందికి ఉద్యోగ అవకాశాలు కల్పించే అవకాశం ఉంది. కొత్త పాలసీలో వీవింగ్, ప్రాసెసింగ్, గార్మెంట్స్ అండ్ ఇంటిగ్రేటెడ్ యూనిట్స్ కు ప్రోత్సాహం ఇవ్వాలని నిర్ణయించారు.