డిసెంబర్ 4న సీఎం చంద్రబాబు అధ్యక్షతన వెలగపూడి సచివాలయంలో ఉదయం 11 గంటలకు ఏపీ కేబినెట్ భేటీ జరగనుంది. ఈ మేరకు ప్రభుత్వ ప్రధాన కార్యదర్శి నీరబ్ కుమార్ ప్రసాద్ గురువారం ఉత్తర్వులు జారీ చేశారు.
ఈ నేపథ్యంలో జరగనున్న కేబినెట్ సమావేశంలో చర్చించే ప్రతిపాదనలు డిసెంబర్ 2వ తేదీ సాయంత్రం 4 గంటలలోగా పంపాలని వివిధ శాఖలను ప్రభుత్వ ప్రధాన కార్యదర్శి ఆదేశించారు. మంత్రి వర్గ సమావేశంలో రాష్ట్రంలో సూపర్ సిక్స్ పథకాల అమలు, తాజా పరిస్థితులు, ఇసుక పాలసీ,కొత్త రేషన్ కార్డుల మంజూరు, అమరావతి రాజధాని మాస్టర్ ప్లాన్ తో పాటు పలు కీలక అంశాలపై చర్చించనున్నారు.
