ఆటో డ్రైవ‌ర్ల‌పై కేజ్రీవాల్ వ‌రాల జ‌ల్లు.. రూ.10 ల‌క్ష‌ల బీమా…!

దేశ రాజ‌ధాని ఢిల్లీ అసెంబ్లీ ఎన్నిక‌లు జ‌ర‌గ‌నున్న త‌రుణంలో ఆప్ మ‌రోసారి అధికారం చేప‌ట్టేందుకు ఎంతో ప్ర‌య‌త్నిస్తుంది.ఈ మేర‌కు కేజ్రీవాల్ ప్ర‌చారంతో స్పీడ్ పెంచారు. తాజాగా ఓ ఆటో డ్రైవ‌ర్ ఇంట్లో స‌తీమ‌ణితో క‌లిసి ఆయ‌న భోజ‌నం చేశారు.ఆటో డ్రైవ‌ర్ల క‌ష్ట సుఖాలు అడిగి తెలుసుకున్నారు.అనంత‌రం వారిపై వరాల జ‌ల్లు కురిపించారు.ఆటో డ్రైవర్ల సంక్షేమం కోసం ఐదు హామీలు ప్రకటించారు.వచ్చే ఎన్నికల్లో ఆమ్‌ ఆద్మీ పార్టీ అధికారంలోకి రాగానే ఆటో డ్రైవర్‌ కూతురి పెళ్లికి రూ.లక్ష సాయం ఇస్తామని తెలిపారు. అదే విధంగా ప్రతి దీపావళి,హోలీకి రూ.2,500, ఒక్కో ఆటోడ్రైవర్‌కు రూ.10 లక్షల జీవిత బీమా,రూ.5 లక్షల ప్రమాద బీమా కల్పిస్తామని వెల్లడించారు. ఆటో డ్రైవర్ల పిల్లల పోటీ పరీక్షలకు సంబంధించిన ఫీజులు ప్రభుత్వమే చెల్లిస్తుంద‌ని ఆయ‌న హామీ ఇచ్చారు.