శివ కార్తికేయ‌న్,సాయి పల్లవి ప్రధాన పాత్రల్లో నటించిన చిత్రం ‘అమరన్‌’.దీపావళి కానుకగా ప్రేక్షకుల ముందుకువచ్చిన ఈ సినిమా విజయాన్ని సాధించింది.తాజాగా నటి జాన్వీకపూర్ ఈ చిత్రం వీక్షించారు.త‌న దృష్టిలో ఈ ఏడాది ‘అమరన్‌’ బెస్ట్ చిత్రమని అభిప్రాయం తెలిపారు.‘‘ఈ సినిమా చూడటం కొంచెం ఆలస్యమైంది. ఈ చిత్రంలో ప్రతీ సన్నివేశం భావోద్వేగంతో నిండిఉంది. ఒక మంచి సినిమాతో ఈ ఏడాదిని ముగించాను. ‘అమరన్‌’ నా హృదయాన్ని కదిలించింది.ఇందులోని ఎమోషన్స్‌ నా హృదయాన్ని బరువెక్కించాయి’’ అని పేర్కొన్నారు.2014లో జమ్ముకశ్మీర్‌లో ఉగ్రవాదులతో పోరాటం చేస్తూ అసువులు బాసిన వీరుడు మేజర్ ముకుంద్ వరదరాజన్‌ జీవిత కథతో రూపొందిన ఈ చిత్రంపై ఇప్పటికే ఎంతోమంది స్టార్స్‌ ప్రశంసలు కురిపించారు.
