ప్రముఖ దర్శకుడు శంకర్‌తో వర్క్‌ చేయడం తనకెంతో ఆనందాన్ని ఇచ్చిందని నటుడు రామ్‌చరణ్‌ అన్నారు. ‘శంకర్‌ గొప్ప దర్శకుడు. ‘త్రీ ఇడియట్స్‌’ను ఆయన తమిళంలో రీమేక్‌ చేశారు.‘స్నేహితుడు’ పేరుతో దానిని తెలుగులో రిలీజ్‌ చేసినప్పుడు ప్రీ రిలీజ్‌ ఈవెంట్‌కు ముఖ్య అతిథిగా హాజరయ్యాను. తెలుగు హీరోలతో ఒక సినిమా చేయమని శంకర్‌ను అడుగుదామనుకున్నా.ఆ సమయంలో నాకు అంత ధైర్యం లేకపోయింది.‘గేమ్‌ ఛేంజర్‌’తో నా కల నెరవేరింది’ అని ముంబయి ఈవెంట్‌లో తెలిపారు. సంక్రాంతి కానుకగా జనవరి 10న ఇది విడుదల కానుంది.
