విశాఖ ఆర్కే బీచ్ లో జరిగిన ఇండియన్ నేవీ ఆపరేషనల్ డెమో కార్యక్రమంలో ఏపీ సీఎం చంద్రబాబు పాల్గొన్నారు. నావికాదళ విన్యాసాలను తిలకించారు. సీఎం చంద్రబాబు సతీమణి శ్రీమతి నారా భువనేశ్వరి, మనుమడు దేవాన్ష్ కూడా కార్యక్రమంలో పాల్గొన్నారు.
విశాఖ నావెల్ కమాండ్ దేశ రక్షణలోనే కాకుండా, ఏ విపత్తు వచ్చినా సహాయక చర్యల్లో ముందు ఉంటుందని కొనియాడారు. హుదుద్ తుఫాను సహాయక చర్యల్లో నేవీ చూపించిన చొరవ ఎప్పటికీ మర్చిపోలేనని పేర్కొన్నారు. విశాఖపట్నం ప్రజలు చూపించే అభిమానం ఎప్పటికీ మర్చిపోలేనని అన్న సీఎం విశాఖ అంటేనే ఒక ప్రశాంతత, మంచితనానికి మారు పేరని ఆంధ్రప్రదేశ్ రాష్ట్రానికి ఆర్థిక రాజధాని విశాఖపట్నం అని స్పష్టం చేశారు.
