ప్రముఖ సెలబ్రిటీ రియాల్టీ షో బిగ్ బాస్ షో కు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. భారీగా ప్రేక్షకాదరణ ఉన్న ఈ షో వివిధ రాష్ట్రాల్లో పలు భాషల్లో ప్రసారం అవుతోన్న విషయం తెలిసిందే. ఆయా భాషలలో చిత్ర పరిశ్రమలకు చెందిన స్టార్ హీరోలు దీనిని హోస్ట్ గా చేస్తున్నారు. ‘బిగ్ బాస్ కన్నడ’కు కన్నడ స్టార్ హీరో సుదీప్ హోస్ట్ గా ఉన్నొరు. దాదాపు 11 సీజన్ల నుండి హోస్ట్ గా అలరిస్తూ వస్తున్నారు. అయితే తాజాగా ఆయన ఓ కీలక నిర్ణయం తీసుకున్నారు. ఇకపై తాను ఈ కార్యక్రమానికి హోస్ట్ గా చేయనని మరోసారి తెలిపారు. రానున్న గ్రాండ్ ఫినాలే తర్వాత తాను ఈ కార్యక్రమంలో హోస్ట్ గా కనిపించనని పేర్కొంటూ తాజాగా ఎక్స్ లో పోస్ట్ చేశారు.
దాదాపు 11 సీజన్ల నుండి ఎంతగానో ఎంజాయ్ చేసిన కార్యక్రమం బిగ్ బాస్. హోస్ట్ గా నాపై విశేషమైన ప్రేమాభిమానాన్ని చూపించినందుకు ప్రతి ఒక్కరికీ ధన్యవాదాలు. త్వరలో జరగనున్న ఫినాలేతో హోస్ట్ నా ప్రయాణం ముగుస్తోంది. వ్యాఖ్యాతగా నేను మీ అందరికీ వినోదాన్ని బాగా అందించాననే భావిస్తున్నా. ఇది ఎప్పటికీ మర్చిపోలేని ప్రయాణం. నాకు సాధ్యమైనంతవరకూ ఉన్నతంగా దీనిని కొనసాగించా. నాకు ఈ అవకాశాన్ని ఇచ్చిన వారికి ధన్యవాదాలని ఆయన అన్నారు. ఇదే విషయాన్ని ఆయన ఇటీవల ఓ ఇంటర్వ్యూలోనూ చెప్పారు.
BB is smthn I have enjoyed from past 11 seasons. Thank u all for all the love you have shown. Coming finale is my last as a host, and I hope to entertain u all to my best.
It's an unforgettable journey, I'm glad to have handled it to my best.
Thank you, @ColorsKannada, for this…— Kichcha Sudeepa (@KicchaSudeep) January 19, 2025