మంచు విష్ణు ప్రధాన పాత్రలో తెరకెక్కుతున్న చిత్రం ‘కన్నప్ప’. భారీ బడ్జెట్ తో మోహన్ బాబు నిర్మిస్తున్నారు. ముకేష్ కుమార్ సింగ్ దర్శకత్వం వహిస్తున్నారు. ప్రభాస్, మోహన్ లాల్, అక్షయ్ కుమార్, కాజల్ అగర్వాల్ తదితర భారీ తారాగణంతో రూపొందుతున్న ఈచిత్రం నుండి తాజాగా అక్షయ్ కుమార్ పాత్రకు సంబంధించిన పోస్టర్ ను చిత్ర బృందం విడుదల చేసింది. ఆయన ఈచిత్రంలో శివుడి పాత్రలో కనిపించనున్నారు. మహా శివుని పాత్రలో అక్షయ్ ఉన్న పోస్టర్ ను తాజాగా విడుదల చేశారు. ఇటీవలే కాజల్ పాత్రకు సంబంధించిన పోస్టర్ ను కూడా విడుదల చేసిన సంగతి తెలిసిందే. ఆమె పార్వతి దేవి పాత్రలో కనిపించనున్నారు. ఇక పలు భాషల్లో రూపొందుతున్న ఈచిత్రం ప్రపంచవ్యాప్తంగా ఏప్రిల్ 25న ప్రేక్షకుల ముందుకు రానుంది.
