కేంద్ర ప్రభుత్వం దక్షిణాదికి చెందిన నాలుగు రాష్ట్రాల్లో నలుగురి సినీ ప్రముఖులకు పద్మభూషణ్ అవార్డులు ప్రకటించారు.ఆంధ్రప్రదేశ్ నుండి నందమూరి బాలకృష్ణ…తమిళనాడు నుండి అజిత్..అదే రాష్ట్రం నుండి కేరళకు చెందిన శోభనకు..కర్ణాటక నుండి అనంత్ నాగ్ కు పద్మ అవార్డులు ప్రకటించారు.అటు బాలీవుడ్ డైరెక్టర్ శేఖర్ కపూర్ కు కూడా పద్మభూషణ్ ప్రకటించారు.వెండితెరపై ఒకే సినిమాలో హీరో,హీరోయిన్లుగా నటించిన బాలకృష్ణ, శోభన లకు కూడా ఒకేసారి పద్మభూషణ్ అవార్డులు ప్రకటించడం విశేషం.బాలయ్య – శోభన కలసి మువ్వగోపాలుడు,నారీ నారీ నడుమ మురారి సినిమాల్లో కలిసి నటించారు.అంతేకాదు తెలుగు సహా దక్షిణాది నుండి తండ్రి తర్వాత కుమారుడిగా పద్మ అవార్డు అందుకున్న హీరోగా బాలయ్య రికార్డు క్రియేట్ చేసారు.బాలకృష్ణ హీరోగా 50 యేళ్ల ప్రస్థానం పూర్తి చేసుకున్న సందర్బంగా ఈ అవార్డు రావడం పట్ల నందమూరి ఫ్యాన్స్ తో పాటు సినీ పరిశ్రమ ఆనందం వ్యక్తం చేస్తున్నారు.
తమిళ అగ్ర కథానాయకుడిగా 3 దశాబ్దాలుగా అలరిస్తున్న అజిత్ కుమార్ ను కేంద్రం పద్మభూషణ్ ప్రకటించింది.ఈయన తెలుగు సినిమా ప్రేమ పుస్తకం సినిమాతో పరిచయం అయ్యారు.శోభన తెలుగు సహా దక్షిణాది సినీ ఇండస్ట్రీలో హీరోయిన్ గా అలరించిన శోభన కు కేంద్రం పద్మభూషణ్ ప్రకటించింది.గతంలో ఈమెకు పద్మశ్రీ అవార్డు రావడం విశేషం.అనంత్ నాగ్ కన్నడ సీనియర్ నటుడు అనంత్ నాగ్ కు కేంద్రం పద్మభూషణ్ అవార్డుతో గౌరవించింది.కన్నడలో పలు చిత్రాల్లో హీరోగా క్యారెక్టర్ ఆర్టిస్ట్ గా తన కంటూ ప్రత్యేక గుర్తింపు తెచ్చుకున్నారు.కర్ణాటక మ్యూజిక్ డైరెక్టర్, సింగర్ రిక్కీ బ్యాన్ రాజ్ లకు ప్రకటించారు.
బాలీవుడ్ నుండి వీరే…!
హిందీ చిత్ర సీమలో మిస్టర్ ఇండియా,బండిత్ క్వీన్ వంటి క్లాసిక్ మూవీస్ తో అలరించిన శేఖర్ కపూర్ కు కేంద్రం పద్మ భూషణ్ తో గౌరవించింది.ఈయనతో పాటు బెంగాలీ సింగర్ అర్జిత్ సింగ్ కు పద్మశ్రీ అవార్డు కేంద్రం ప్రకటించింది.మహారాష్ట్రకు చెందిన నటుడు అశోక్ లక్ష్మణ్ సరఫ్ కు, సింగర్ జస్పిందర్ నరులకు,జార్ఖండ్ కు చెందిన సింగర్,రచయిత మహావీర్ నాయక్ లకు ప్రకటించారు.