నిర్మాత అల్లు అరవింద్ ప్రెస్ మీట్ లో మాట్లాడుతూ…ఓ ఈవెంట్ లో తాను రామ్ చరణ్ స్థాయి తగ్గించేలా మాట్లాడానని తనను ట్రోల్ చేస్తున్నారని తెలిపారు.రామ్ చరణ్ ను ఉద్దేశపూర్వకంగా తాను ఏమీ అనలేదని స్పష్టం చేశారు.దిల్ రాజు పరిస్థితిని వివరించే క్రమంలో తాను మాట్లాడిన మాటలు మరోలా అర్థం చేసుకున్నారని అల్లు అరవింద్ వివరణ ఇచ్చారు.ఈ విషయంపై ఇటీవల ఓ సీనియర్ జర్నలిస్టు ప్రశ్నిస్తే…ఇప్పుడు తగిన సమయం కాదు, తర్వాత మాట్లాడతాను అని అన్నారు.
అయితే అవి ఉద్దేశపూర్వకంగా చేసిన వ్యాఖ్యలు కాదు.దానికి మెగా అభిమానులు చాలా ఫీలయ్యారు.నన్ను ట్రోల్ చేశారు. చరణ్ నా కొడుకులాంటివాడు..నాకున్న ఏకైక మేనల్లుడు..అతడకి నేన ఏకైక మేనమామని..అందుకే ఎంతో భావోద్వేగంతో చెబుతున్నాను.దయ చేసి ఆ విషయం వదిలేయండి.చరణ్, నాకు మధ్య ఒక అద్భుతమైన అనుబంధం ఉంది. ఆ రోజున దిల్ రాజు లైఫ్ గురించి చెప్పడానికి పొరపాటున అలా మాట్లాడాల్సి వచ్చిందని అన్నారు.తర్వాత ఆలోచిస్తూ అలా మాట్లాడకుండా ఉంటే బాగుండు అనిపించిందని అల్లు అరవింద్ వివరణ ఇచ్చారు.