నిన్న లైలా సినిమా ప్రీ రిలీజ్ ఈవెంట్ లో నటుడు పృథ్వీ రాజ్ మాట్లాడుతూ…ఇన్ డైరెక్ట్ గా వైసీపీపై సెటైర్లు వేశారు.ఒక వ్యక్తిని మేకల మంద దగ్గరకు తీసుకెళ్లి ఎన్ని ఉన్నాయ్ రా అని అడిగితే…మొత్తం 150 మేకలు ఉన్నాయని…ఇక సినిమా అయిపోయే ముందు మరో సీన్ లో కరెక్ట్ గా లెక్కేస్తే 11 ఉన్నాయని వ్యంగ్యంగా మాట్లాడారు.ఈ వ్యాఖ్యలకు సంబంధించిన వీడియోలు నెట్టింట వైరల్ కావడంతో వైసీపీ ఫ్యాన్స్ ‘‘బాయ్ కట్ లైలా’’ అనే ట్యాగ్ ను సోషల్ మీడియాలో ట్రెండ్ చేసారు.ఈ మేరకు విశ్వక్ సేన్ & చిత్రబృందం దీనిపై స్పందించింది.
కాగా విశ్వక్ సేన్ మాట్లాడుతూ … ఆ సంఘటన తమ కంట్రోల్ లో జరగలేదని.. ఒకవేళ అది తన ముందు జరిగి ఉంటే వెంటనే వెళ్లి ఆయన వద్ద ఉన్న మైక్ లాక్కునేవాళ్లమని అన్నారు.అయితే తాము ఆ సమయంలో అక్కడ లేమని..చిరంజీవిని రిసీవ్ చేయడానికి బయటకు వెళ్ళినప్పుడు అతను అలా మాట్లాడాడని అన్నారు.అంతేకాకుండా గెస్ట్ లుగా వచ్చిన వాళ్ళు ఏమి మాట్లాడతారో తమకు తెలీదని…సినిమాలో ఎవరో ఒక తప్పు చేస్తే మిగిలిన వాళ్ళు తప్పు చేసినట్టేనా అని అన్నారు.అయితే ఈ ఘటన తమ ఈవెంట్ లో జరిగింది కాబట్టి దీనికి నేను సారీ చెప్తున్నానని చెప్పారు.

