విభిన్న పాత్రల్లో అలరించే నేచుర‌ల్ స్టార్ నాని, ద‌ర్శ‌కుడు శ్రీకాంత్ ఓదెల కలయికలో ‘దసరా’ వంటి విజయవంతమైన చిత్రం తర్వాత వ‌స్తున్న రెండో చిత్రం ‘ది ప్యార‌డైజ్’. ఇప్ప‌టికే ఈ మూవీ గ్లింప్స్ విడుదలై విశేషంగా అలరించి చిత్రంపై అంచనాలు పెంచేసింది. అయితే, గత కొన్ని రోజులుగా ఈ సినిమాపై కొన్ని వదంతులు వినిపించాయి. చిత్రం పై అసంబద్ధమైన పుకార్లు రావడంతో దీనిపై చిత్ర బృందం తాజాగా ‘ఎక్స్’ (ట్విట్ట‌ర్‌) వేదిక‌గా ఘాటుగా స్పందించింది. ఇలాంటి పుకార్లు సృష్టించేవారిని జోక‌ర్ల‌తో పోలుస్తూ ట్వీట్ చేసింది. ది ప్యార‌డైజ్’ ప‌నులు అనుకున్న విధంగానే జ‌రుగుతున్నాయి. ఈ ప్రాజెక్ట్‌ సవ్యమైన మార్గంలోనే ఉంది. నిశ్చింతగా ఉండండి. ఇది ఎంత గొప్ప‌గా రూపుదిద్దుకుంటోందో మీరు త్వ‌ర‌లోనే చూస్తారు. ఈలోగా మీకు వీలైనంత ఎక్కువ రూమర్స్ క్రియేట్ చేస్తూ ఉండండి. ఎందుకంటే… ‘గజరాజు నడిస్తే..గజ్జి కుక్కలు అరుస్తాయి.. మేము ఈ సినిమాపై అభిమానులు చూపిస్తున్న ప్రేమ‌ను గ‌మ‌నిస్తున్నామని పేర్కొంది. అలాగే నిరాధార‌మైన వార్త‌లు ప్ర‌చారం చేస్తున్న వారిని గ‌మ‌నిస్తున్నాం. వాట‌న్నిటితో ఒక శ‌క్తిగా ఎదుగుతాం. టాలీవుడ్ చ‌రిత్ర‌లోనే ది ప్యార‌డైజ్ గ‌ర్వించే సినిమా అవుతుందని స్పష్టం చేసింది. ఫ్యాన్స్ అంతా గ‌ర్వ‌ప‌డే చిత్రంతో నాని మీ ముందుకు వ‌స్తార‌ని మాట ఇస్తున్నామని చిత్ర బృందం ట్వీట్ చేసింది.
To all 🤡s out there, you feed on us… because we let you do so.#TheParadise is rising in all its glory. Rest assured, it is on the right track. And you all will witness it soon.
Meanwhile, keep feeding on us as much as you can. Because…'Gajaraju nadiste..Gajji kukkalu…
— THE PARADISE (@TheParadiseOffl) April 2, 2025