“ఇన్‌స్టాలో 3 కోట్లు ఉన్నా టికెట్లు కొంటారా?” – పూజా హెగ్డే వ్యాఖ్యలు వైరల్

పూజా హెగ్డే ప్రస్తుతం సూర్య – కార్తీక్ సుబ్బరాజ్ కాంబినేషన్‌లో తెరకెక్కిన ‘రెట్రో’ సినిమా ప్రమోషన్‌లతో బిజీగా ఉంది.మే 1న విడుదల కానున్న ఈ లవ్-యాక్షన్ ఎంటర్‌టైనర్ గురించి పూజా ఇటీవల ఇచ్చిన ఇంటర్వ్యూలో చేసిన సోషల్ మీడియా వ్యాఖ్యలు ఇప్పుడు వైరల్‌గా మారాయి. “ఇన్‌స్టాగ్రామ్‌లో నాకు 3 కోట్ల మంది ఫాలోవర్స్ ఉన్నా, వాళ్లందరూ టికెట్లు కొని సినిమాకు వస్తారని గ్యారంటీ లేదు కదా” అంటూ స్పందించింది.సోషల్ మీడియా నెంబర్‌ గేమ్‌ను పూజా ఓ భిన్నమైన ప్రపంచంగా అభివర్ణించింది. “కొంతమంది హీరోయిన్లకు 50 లక్షల ఫాలోవర్స్ ఉంటారు కానీ బాక్సాఫీస్‌ వద్ద భారీ వసూళ్లు సాధిస్తారు.అందుకే వృత్తిపట్ల అంకితభావంతో ఉండాలి.ప్రేక్షకుల నుంచి నేరుగా వచ్చే ఫీడ్‌బ్యాక్‌నే నిజమైన సూచికగా తీసుకోవాలి” అని చెప్పింది.ఈ వ్యాఖ్యలు నెటిజన్లను ఆలోచింపజేస్తున్నాయి.‘రెట్రో’ చిత్రంలో సూర్య గ్యాంగ్‌స్టర్ పాత్రలో కనిపించనున్నట్టు సమాచారం.ఈ చిత్రంపై ఇప్పటికే మంచి హైప్ ఏర్పడింది.పూజా హెగ్డే వ్యాఖ్యలు మరోసారి సెలబ్రిటీల ఫాలోవర్స్‌ కంటే ప్రేక్షకుల స్పందనే కీలకం అనే అంశాన్ని రీ ఇన్‌ఫోర్స్‌ చేస్తున్నాయి.