నేచురల్ స్టార్ నాని కథానాయకుడిగా తెరకెక్కిన చిత్రం ‘హిట్-3’. మే1న విడుదలైన ఈ చిత్రం పేరుకు తగ్గట్టే భారీ హిట్ సొంతం చేసుకుంది. కలెక్షన్ల పరంగా మరో రికార్డు సాధించింది. రూ.100 కోట్ల మార్కును దాటింది. కేవలం 4 రోజుల్లోనే రూ.101 కోట్లకు పైగా వసూళ్లు రాబట్టింది. ఈ విషయం తెలుపుతూ మూవీ టీమ్ ‘సర్కార్ సెంచరీ ‘ అంటూ కొత్త పోస్టర్ ను విడుదల చేసింది. విజయవంతమైన ‘హిట్’ ఫ్రాంచైజీ నుండి వచ్చి ప్రేక్షకుల అంచనాలను అందుకొని విజయవంతంగా దూసుకుపోతోంది. శైలేష్ కొలను దర్శకత్వం వహించారు. వాల్ పోస్టర్స్ సినిమా, యునానిమస్ ప్రొడక్షన్స్ పతాకాలపై రూపొందింది. తిపిరినేని ప్రశాంతి నిర్మించారు. ఇందులో నాని అర్జున్ సర్కార్ అనే పవర్ ఫుల్ పోలీస్ ఆఫీసర్ గా అలరించారు. నానికి జోడిగా శ్రీనిధి శెట్టి నటించారు.ఈ చిత్రానికి మిక్కీ జే మేయర్ సంగీతం అందించారు.
