అబ్దుల్ కలామ్ బయోపిక్ గా ‘కలామ్’…ప్రధాన పాత్రలో ధనుష్

అత్యున్నత విలువలు కలిగిన వ్యక్తి, ఎందరికో స్ఫూర్తి ప్రదాత, మన దేశం గర్వించదగ్గ శాస్త్రవేత్త, మిసైల్ మ్యాన్ ఆఫ్ ఇండియా, మాజీ రాష్ట్రపతి భారత రత్న డాక్టర్ ఏపీజే అబ్దుల్ కలాం బయోపిక్ తెరకెక్కనుంది. ‘కలాం’ పేరుతో రూపొందనున్న ఈ ప్రతిష్ఠాత్మక బయోపిక్‌ లో ధనుష్ ప్రధాన పాత్ర పోషించనున్నారు. కేన్స్ ఫిల్మ్ ఫెస్టివల్‌లో ఈ మూవీని అధికారికంగా ప్రకటించారు. దీంతో దేశవ్యాప్తంగా ఈసినిమాపై ప్రేక్షకుల్లో ఆసక్తిని పెంచుతోంది. టాలీవుడ్ నిర్మాత అనిల్ సుంకర కూడా ఈ చిత్ర నిర్మాణంలో భాగమవుతున్నారు. ‘ఆదిపురుష్’ దర్శకుడు ఓం రౌత్ దర్శకత్వం వహిస్తున్నారు. అభిషేక్ అగర్వాల్ ఆర్ట్స్ పతాకంపై అభిషేక్ అగర్వాల్, టీ-సిరీస్ పతాకంపై భూషణ్ కుమార్, క్రిషన్ కుమార్, మరియు అనిల్ సుంకర నిర్మిస్తున్నారు. ఈమేరకు మూవీ టీమ్ ఒక పోస్టర్ ను విడుదల చేసింది.