పవర్ స్టార్ పవన్ కళ్యాణ్ హీరోగా సుజీత్‌ దర్శకత్వంలో తెరకెక్కుతోన్న చిత్రం ‘ఓజీ’. అభిమానులలోనే కాక సినీ ప్రేక్షకులలో ఈ మూవీపై భారీ అంచనాలు ఉన్నాయి. ప్రస్తుతం షూటింగ్ పూర్తి చేసుకున్న ఈ సినిమా సెప్టెంబర్ 25న విడుదల కానుంది. ఇక ఈ చిత్రం నుంచి ఫస్ట్ సింగిల్ ను మూవీ టీమ్ నేడు విడుదల చేసింది. థమన్ తన మ్యూజిక్ తో మరోసారి అదరగొట్టాడు. అభిమానులను అలరించే విధంగా తన మ్యూజిక్ తో సత్తా చాటాడు. ప్రస్తుతం సోషల్ మీడియాలో ఈ సాంగ్ మారుమోగుతోంది. ఈ మూవీలో హీరోయిన్ గా ప్రియాంక అరుళ్ మోహన్ నటిస్తున్నారు. డివివి ఎంటర్టైన్మెంట్స్ పతాకంపై డివివి దానయ్య నిర్మిస్తున్నారు.
