అల్లుఅర్జున్‌ కథానాయకుడిగా నటించిన ‘పుష్ప ది రూల్‌’ చిత్రాన్ని తాము ప్రదర్శించడం లేదని ప్రసాద్‌ మల్టీప్లెక్స్‌ తాజాగా ప్రకటించింది.కొన్ని అనివార్య కారణాల వల్ల ఈ సినిమా వేయడం లేదని తెలిపింది. ప్రేక్షకులకు అసౌకర్యం కల్పించినందుకు క్షమాపణలు చెప్పింది. సినీప్రియులు పరిస్థితిని అర్థం చేసుకోవాలని కోరింది. ఈ నిర్ణయం తీసుకోవడానికి గల కారణాన్ని మాత్రం చెప్పలేదు. ప్రసాద్స్‌ అంటే హైదరాబాద్‌ నగరవాసులకు ఎంతో ఇష్టం. ఇక్కడ సినిమాటిక్‌ అనుభూతి పొందాలని అందరూ కోరుకుంటారు. తాజా నిర్ణయంతో సినీ ప్రేమికులు నిరాశకు గురయ్యారు.
