ఓ నిందితుడిని పట్టుకునేందుకు గూగుల్ మ్యాప్స్‌ను నమ్మి పోలీసులు పక్క రాష్ట్రంలోకి వెళ్లి అక్కడి స్థానికులకు బందీలుగా మారారు.అయితే ఈ ఘటన 7 తేదీ రాత్రి చోటుచేసుకుంది.వివరాల్లోకి వెళ్తే ఓ నిందితుడి కోసం గాలింపు మొదలుపెట్టిన అస్సాం పోలీసులకు చెందిన 16 మంది సభ్యుల బృందం గూగుల్ మ్యాప్స్ చూపించిన మార్గంలో ప్రయాణించి చివరకు నాగాలాండ్‌లో తేలింది.అది అస్సాంలోని తేయాకు తోటగా గూగుల్ మ్యాప్స్ చూపించిందని,వాస్తవానికి అది నాగాలాండ్‌గా తేలిందని అస్సాం పోలీసుకు చెందిన ఓ సీనియర్‌ అధికారి పేర్కొన్నారు.
అయితే పోలీసుల దగ్గర ఉన్న అధునాతన ఆయుధాలు చూసిన స్థానికులు దుండగులుగా అనుమానించి బంధించారని అధికారి తెలిపారు.పైగా వీరిలో ముగ్గురు మాత్రమే యూనిఫాంలో ఉండగా మిగిలిన వారంతా సివిల్‌ డ్రెస్‌లో ఉన్నారని ఆయన వెల్లడించారు.స్థానికుల దాడిలో తమ బృందం సభ్యుడు ఒకరికి గాయమైందని అధికారి చెప్పారు.ఈ మేరకు సమాచారం అందుకున్న జోర్హాట్‌ ఎస్‌పీ అస్సాం పోలీసులతో మాట్లాడి పరిస్థితిని వివరించారు.అస్సాం పోలీసులు వెంటనే ఆ ప్రాంతానికి చేరుకుని స్థానికులతో మాట్లాడి…వీరంతా నిజమైన పోలీసులే అని నిర్ధారించుకున్న స్థానికులు రాత్రి 5 మంది విడిచిపెట్టి,మిగిలిన 11 మందిని ఉదయం వదిలిపెట్టారని పోలీస్ అధికారి వెల్లడించారు.