ఫీల్డ్ వర్క్ లో పాల్గొన్న విలేకర్లను ఉద్దేశించి తగిన సూచనలు చేశారు ప్రధాని నరేంద్ర మోదీ.చలికాలంలో తగిన జాగ్రత్తలు తీసుకోవాలని ఆయన చెప్పారు.శుక్రవారం ఢిల్లీలోని బీజేపీ ప్రధాన కార్యాలయంలో పార్టీ మీటింగ్‌ ఏర్పాటు చేశారు.ఈ మీటింగ్‌కు హాజరయ్యేందుకు వచ్చిన ప్రధాని మోదీ.. కారు దిగి నేరుగా జర్నలిస్ట్‌ల వద్దకు వెళ్లారు.అక్కడ ఉన్న జర్నలిస్ట్‌లతో మాట్లాడారు.ముందుగా వారందరికీ నూతన సంవత్సరం,సంక్రాంతి శుభాకాంక్షలు తెలిపారు.అనంతరం ఈ చలికాలంలో మిమ్మల్ని మీరు జాగ్రత్తగా చూసుకోండి అంటూ సలహా ఇచ్చారు.అనారోగ్యం బారిన పడకుండా తలను కప్పుకోండి అంటూ సూచించారు.ఇందుకు సంబంధించిన వీడియో ప్రస్తుతం వైరల్‌ గా మారింది.
