లింగ వివక్షతను రూపుమాపేందుకు కేంద్రం కృషి:బేటీ ‘బచావో..బేటీ పడావో ‘ కి 10 ఏళ్ళు

న్యూఢిల్లీలో జరిగిన బేటీ బచావో..బేటీ పడావో 10 ఏళ్ళు పూర్తయిన సందర్భంగా నిర్వహించిన కార్యక్రమం లో కేంద్ర ఆరోగ్య, కుటుంబ సంక్షేమ శాఖా మంత్రి జెపి నడ్డా మాట్లాడుతూ..దేశంలో లింగ వివక్షతను రూపుమాపేందుకు కేంద్ర ప్రభుత్వ కృషి చేస్తుందన్నారు.
ఇక ఆడపిల్లల జెండర్ రేషియో, సాధికారతను సాధించడమే లక్యంగా 2015 జనవరి 22న ‘బేటీ బచావో, బేటీ పఢావో’ ప్రారంభించారు. తగ్గుతున్న పిల్లల లింగ నిష్పత్తి (CSR), లింగ సమానత్వం, ఆడపిల్లల మనుగడ, రక్షణ, విద్యను ప్రోత్సహించడం, సాధికారత వైపు నిరంతర పురోగతిని సాధించడమే ప్రధాన లక్ష్యంగా ఈ కార్యక్రమాన్ని కేంద్ర ప్రభుత్వం తీసుకొచ్చింది. ఈ పథకం కేంద్ర ప్రభుత్వం ప్రారంభించిన అత్యంత ప్రభావవంతమైన సామాజిక కార్యక్రమాలలో ఒకటిగా నిలిచింది.