భారతీయ రైల్వే మరో అద్భుతాన్ని చేసి చూపించింది. ప్రపంచంలోనే అత్యంత ఎత్తయిన రైల్వే వంతెనైన జమ్మూకశ్మీర్లోని చీనాబ్ నదిపై నిర్మించిన చారిత్రక బ్రిడ్జి పై తొలిసారి వందే భారత్ ట్రైన్ ను నడిపింది. ఇందుకు సంబంధించిన వీడియో ప్రస్తుతం సోషల్ మీడియా లో వైరల్ గా మారింది. ఈ సెమీ హై స్పీడ్ వందేభారత్ ట్రైన్ ట్రయల్ రన్ ఇండియన్ రైల్వేస్ నేడు ప్రారంభించింది. కాత్రాలోని మాతా వైష్ణోదేవి రైల్వేస్టేషన్ నుండి శ్రీనగర్ వరకు వందే భారత్ ట్రైన్ ప్రయాణించింది. కాశ్మీర్ అతిశీతల వాతావరణ పరిస్థితులను తట్టుకునేలా ఈ ట్రైన్ ను ప్రత్యేకంగా రూపొందించారు. భారత్లోని మిగతా ప్రాంతాలతో కాశ్మీర్ ను కనెక్ట్ చేసే విధంగా చేపట్టిన ఉధంపుర్-శ్రీనగర్-బారాముల్లా రైల్వే ప్రాజెక్టులో భాగంగా చీనాబ్ వంతెనను నిర్మించారు. నదీగర్భం నుండి 359 మీ ఎత్తునున్న ఈ రైల్వే వంతెన పొడవు 1,315 మీటర్లు. ఇక గతేడాది జూన్ లో ఈ బ్రిడ్జి పై విజయవంతంగా ట్రైన్ ట్రయల్ రన్ ను నిర్వహించిన సంగతి తెలిసిందే.
History Created 🇮🇳 Vande Bharat Crossing World's Highest Rail Bridge aka The Chenab Bridge for the first time ever 🤩🔥🇮🇳 #IndianRailways #VandeBharat pic.twitter.com/Zt2C8we1kx
— Trains of India (@trainwalebhaiya) January 25, 2025