దేశవ్యాప్తంగా ఘనంగా గణతంత్ర వేడుకలు

దేశవ్యాప్తంగా గణతంత్ర వేడుకలు ఘనంగా జరిగాయి.గణతంత్ర వేడుకల్లో భాగంగా రాష్ట్రపతి ద్రౌపదీ ముర్ము జాతీయ పతాకాన్ని ఆవిష్కరించారు. ఈ వేడుకకు ఇండోనేసియా అధ్యక్షుడు ప్రబోవో సుబియాంతో ముఖ్య అతిథిగా హాజరయ్యారు. ఆయన రాష్ట్రపతితో కలిసి ప్రత్యేక గుర్రపు బండిలో వేదిక వద్దకు చేరుకున్నారు. అనంతరం సైనిక దళాల నుంచి గౌరవవందనం స్వీకరించారు. ‘స్వర్ణిమ్ భారత్, విరాసత్ ఔర్ వికాస్’ అనే ఇతివృత్తంతో శకటాలను రూపొందించారు. త్రివిధ దళాలు తమ ప్రదర్శనను లతో ఆకట్టుకున్నాయి. బ్రహ్మోస్, ఆకాశ్ క్షిపణులు, పినాక మల్టీ బ్యారెల్ రాకెట్ లాంచర్లు అందరి దృష్టిని ఆకర్షించాయి. మిలిటరీ కవాతులో త్రివిధ దళాలు తమ సత్తా చాటాయి. కర్తవ్యపథ్ 9 కి.మీ మేర ఈ కవాతు చేశాయి. ఈ వేడుకల్లో ఉపరాష్ట్రపతి జగదీప్ ధనఖడ్, ప్రధాని మోడీ, పలువురు కేంద్రమంత్రులు పాల్గొన్నారు.