నేషనల్ క్రిటికల్ మినరల్ మిషన్ కు ఆమోదం: కేంద్ర కేబినెట్ నిర్ణయం

కేంద్ర కేబినెట్ పలు కీలక నిర్ణయాలకు ఆమోదం తెలిపింది. ప్రధాని మోడీ అధ్యక్షతన జరిగిన సమావేశంలో తీసుకున్న నిర్ణయాలను కేంద్ర మంత్రి అశ్విని వైష్ణవ్ వివరించారు. నేషనల్ క్రిటికల్ మినరల్ మిషన్ కు ఆమోదం తెలిపింది. రూ.16,300 కోట్లతో ఈ మిషన్ ను అమలు చేయనుంది. భారత్ లో ఆఫ్ షోర్ ప్రాంతాల్లో కీలకమైన మినరల్స్ అన్వేషణను ప్రోత్సహించడమే లక్ష్యంగా ఈ మిషన్ ను చేయనుంది. అరుదుగా లభించే మినరల్స్ దిగుమతులపై ఆధారపడటం తగ్గించడంతో పాటు ఈ రంగంలో స్వావలంబన దిశగా అడుగులు వేయడమే ఈ మిషన్ లక్ష్యమని పేర్కొన్నారు. ఇక సి.హెచ్.వి మొలాసిస్ నుండి ఉత్పత్తి చేసే ఇథనాల్ ధరను రూ.56.28 నుండి రూ.57.97కు పెంచేందుకు ఆమోదం తెలిపినట్లు వివరించారు. బి హెవీ మొలాసిస్ నుంచి ఉత్పత్తి చేసే ఇథనాల్, చెరకు రసం/చక్కెర/చక్కెర సిరప్ నుంచి ఉత్పత్తి చేసే ఇథనాల్ ధరల్లో మాత్రం ఎలాంటి మార్పులు చేయలేదని తెలిపారు.