ప్రధానమంత్రి నరేంద్ర మోడీ ఫ్రాన్స్, అమెరికాలో పర్యటించనున్నారు. ఆయన పర్యటన షెడ్యూల్ ఖరారైంది. ఈనెల 10 నుండి 12వ తేదీ వరకు ఫ్రాన్స్ లో 12 నుండి 13వ తేదీ వరకు అమెరికాలో పర్యటిస్తారని కేంద్ర విదేశాంగ శాఖ కార్యదర్శి విక్రమ్ మిస్రీ తెలిపారు. ఫ్రాన్స్ లో జరగనున్న ఆర్టిఫీషియల్ ఇంటెలిజెన్స్ సమ్మిట్ లో ఫ్రాన్స్ అధ్యక్షుడితో కలిసి అధ్యక్షత వహించనున్నారు. అనంతరం అక్కడ న్యూక్లియర్ ఎక్స్పెరిమెంటల్ రియాక్టర్ ను పరిశీలిస్తారని విక్రమ్ పేర్కొన్నారు. 12 సాయంత్రం ఫ్రాన్స్ నుండి బయలుదేరి వాషింగ్టన్ చేరుకుంటారు. 13 ఉదయం అమెరికా ప్రెసిడెంట్ డొనాల్డ్ ట్రంప్ తో సమావేశమై పలు ద్వైపాక్షిక అంశాలపై చర్చలు జరిపే అవకాశం ఉన్నట్లు తెలుస్తోంది.
