తర్వాతి సీఈసీ ఎన్నిక కోసం ఈనెల 17న భేటీ కానున్న పీఎం మోడీ నేతృత్వంలోని కమిటీ

సెంట్రల్ ఎలక్షన్ కమిషన్ (సీఈసీ) ప్రధాన కమిషనర్ రాజీవ్ కుమార్ ఈనెల 18న పదవీ విరమణ చేయనున్నారు. ఈ నేపథ్యంలో తర్వాత సీఈసీ ఎంపికకు సంబంధించి ప్రధాని మోడీ నేతృత్వంలోని ఎంపిక కమిటీ ఈనెల 17న సమావేశం కానుంది. ఈ కమిటీలో లోక్ సభలో ప్రతిపక్ష నేత రాహుల్ గాంధీ, కేంద్ర హోం మంత్రి అమిత్ షా కూడా సభ్యులుగా ఉన్నారు. ఈ కమిటీ సమావేశమై ఒకరి పేరును సిఫార్సు చేయనుంది. దాని ఆధారంగా రాష్ట్రపతి తదుపరి సీఈసీని నియమిస్తారు. సీఈసీ పదవీ విరమణ సమయంలో సంప్రదాయం ప్రకారం ఎలక్షన్ కమీషన్ లో అత్యంత సీనియర్ కమీషనర్ కు సీఈసీగా పదోన్నతి కల్పిస్తారు.