డిజిటల్‌ అరెస్ట్‌ పేరుతో సైబర్‌ నేరగాళ్లు భారతీయులను లక్ష్యంగా చేసుకుని భారీ మోసాలకు పాల్పడుతున్నారు. 2024లో మాత్రమే దేశవ్యాప్తంగా ప్రజలు సుమారు రూ.2 వేల కోట్లు నష్టపోయారని నేషనల్‌ సైబర్‌క్రైమ్‌ రిపోర్టింగ్‌ పోర్టల్‌ నివేదిక వెల్లడించింది. 2025 ప్రారంభ రెండునెలల్లోనే 17,718 కేసులు నమోదై, బాధితుల నుంచి రూ.210 కోట్లు దోచుకున్నట్లు గణాంకాలు చెబుతున్నాయి. గత మూడు ఏళ్లలో ఈ మోసాలు భారీగా పెరిగి, కేసుల సంఖ్య మూడు రెట్లు, నష్టపోయిన మొత్తం 20 రెట్లు పెరిగినట్లు తెలుస్తోంది. సైబర్‌ మోసాలను నివారించేందుకు ప్రజలు అప్రమత్తంగా ఉండాలని నిపుణులు హెచ్చరిస్తున్నారు.
