గుజరాత్‌లోని అహ్మదాబాద్‌లో భారీగా బంగారం పట్టుబడింది.సోమవారం సాయంత్రం పల్దీ ప్రాంతంలోని ఆవిష్కార్ అపార్ట్‌మెంట్‌లో ఉన్న ఓ ఫ్లాట్‌పై అధికారులు దాడులు నిర్వహించగా,దాదాపు 90 కోట్ల రూపాయల బంగారం, ఆభరణాలు, నగదు లభ్యమయ్యాయి. ఈ కేసులో మేఘ షా, అతని తండ్రి మహేంద్ర షా నిందితులుగా గుర్తించారు.డీఆర్‌ఐ, ఏటీఎస్ అధికారులు ఫ్లాట్ వద్దకు చేరుకునేలోపే నిందితులు తాళం వేసి పరారయ్యారని తెలిపారు.అధికారుల దాడిలో 95.5 కిలోల బంగారం,రూ.60-70 లక్షల నగదుస్వాధీనం చేసుకున్నట్లు ఏటీఎస్ అధికారి ఎస్‌ఎల్ చౌదరీ వెల్లడించారు.అయితే అక్రమ బంగారం మూలాలను గుర్తించేందుకు దర్యాప్తు కొనసాగుతోంది.
