టెలివిజన్‌ రంగాన్ని అధిగమించి డిజిటల్‌ మీడియా…!

డిజిటల్‌ మీడియా అంచనాలకుమించి అభివృద్ధి చెందుతూ, 2024లో టెలివిజన్‌ను అధిగమించి మీడియా & ఎంటర్‌టైన్‌మెంట్‌ రంగాల్లో అతిపెద్ద విభాగంగా అవతరించింది. ఫిక్కీ-ఈవై నివేదిక ప్రకారం, మొత్తం మీడియా-ఎంటర్‌టైన్‌మెంట్‌ ఆదాయంలో డిజిటల్‌ మీడియా వాటా 32 శాతంగా నమోదైంది.2026 నాటికి ఈ రంగం రూ.1 లక్ష కోట్ల మార్క్‌ను దాటుతుందని అంచనా వేస్తున్నారు.మొత్తం మీడియా & ఎంటర్‌టైన్‌మెంట్‌ పరిశ్రమ ఆదాయం 2024లో రూ.2.5 లక్షల కోట్లు ఉంటే, 2026 నాటికి అది రూ.3 లక్షల కోట్లకు చేరుకుంటుందని విశ్లేషకులు పేర్కొంటున్నారు.ఈ పెరుగుదలలో ఓటీటీ ప్లాట్‌ఫారమ్‌లు, సోషల్‌ మీడియా ప్లాట్‌ఫారమ్‌లు, డిజిటల్‌ యాడ్‌వర్టైజింగ్‌ కీలక భూమిక పోషిస్తున్నాయి.