2023-24 ఫైనాన్షియల్ ఇయర్ కు దేశంలోనే అత్యంత పెద్ద పార్టీగా కొనసాగుతున్న భారతీయ జనతా పార్టీ రూ. 2,243 కోట్ల విరాళాలు స్వీకరించింది. అసోసియేటెడ్ ఫర్ డెమోక్రటిక్ రిఫార్మ్స్ (ఏడీఆర్) నేషనల్ పార్టీలు ఈ ఆర్థిక సంవత్సరంలో పొందిన డొనేషన్స్ వివరాలను విడుదల చేసింది. ఈ రిపోర్ట్ ప్రకారం, కేంద్రంలో అధికారంలో ఉన్న బీజేపీ అత్యధిక డొనేషన్స్ పొందిన పార్టీగా నిలిచింది. అన్ని నేషనల్ పార్టీలు కలిపి మొత్తం రూ. 2,544.28 కోట్ల డొనేషన్స్ అందాయి. అంతకు ముందు ఫైనాన్షియల్ ఇయర్ లో ఈ మొత్తం రూ. 12,547 కోట్లుగా నమోదైంది. 2023-24 ఫైనాన్షియల్ ఇయర్ లో వచ్చిన విరాళాలలో బీజేపీ వాటా 88 శాతంగా ఉంది. రూ. 281 కోట్ల విరాళాలతో కాంగ్రెస్ పార్టీ రెండో స్థానంలో ఉంది. ఆ తర్వాత ఆమ్ ఆద్మీ పార్టీ, సీపీఎం, నేషనల్ పీపుల్స్ పార్టీలు ఉన్నాయి. తమకు ఎలాంటి విరాళాలు అందలేదని బహుజన్ సమాజ్ పార్టీ ప్రకటించింది.
