కేంద్ర మంత్రి వర్గం పలు కీలక నిర్ణయాలకు ఆమోదం తెలిపింది. ‘పీఎం ధన్ ధాన్య కృషి యోజన’ పథకానికి ఆమోదం తెలిపినట్లు కేంద్ర మంత్రి అశ్వినీ వైష్ణవ్ మీడియాకు తెలిపారు. వ్యవసాయం, అనుబంధ రంగాలు అభివృద్ధి లక్ష్యంగా దేశవ్యాప్తంగా 100 జిల్లాల్లో ఈ పథకాన్ని అమలు చేయనున్నారు. 2025-26 నుండి ఆరేళ్ల కాలానికి ఈ పథకం 100 జిల్లాలలో ఆమలు చేసేలా ప్రణాళిక రూపొందించారు. వ్యవసాయ రంగంలో రైతులకు మేలు చేకూర్చే విధంగా పలు అంశాలతో దీనిని తీసుకొచ్చారు. రెన్యువల్ ఎనర్జీ సెక్టార్ లో ఎన్టీపీసీకి రూ. 20 వేల కోట్ల పెట్టుబడులకు కేంద్ర మంత్రివర్గం ఆమోదం తెలిపింది. అంతరిక్ష కేంద్రంలో 18 రోజులు గడిపి తిరిగి వచ్చిన శుభాంశు శుక్లా బృందానికి అభినందనలు తెలిపింది.
