కేంద్ర హోం మంత్రి అమిత్ షా ను కేరళ ఎంపీల బృందం కలిసింది. కాంగ్రెస్ అగ్రనేత, వయనాడ్ ఎంపీ ప్రియాంక గాంధీ వాద్రా నేతృత్వంలోని బృందం అమిత్ షా ను కలిసి ప్రకృతి వైపరీత్యంతో నష్టపోయిన వయనాడ్ ను ఆదుకోవాలని కోరుతూ వినతిపత్రం అందజేశారు. ఈ సంవత్సరం భారీ వర్షాలతో జులై 30న జరిగిన ప్రకృతి విధ్వంసంలో దాదాపు 400 మంది ప్రాణాలు కోల్పోయారు. రాజకీయాలు పక్కనపెట్టి వయనాడ్ బాధితులకు సహాయం చేయాలని హోం మంత్రి అమిత్ షా ను కోరినట్లు ప్రియాంక తెలిపారు. ఎందరో నిరాశ్రయులయ్యారని పాఠశాలలు, వ్యాపారాలు, నివాసాలు కొట్టుకుపోయాయని వారిని ఆదుకోవాలని పేర్కొన్నారు.
