చాట్ జీపీటీ పేరెంట్ కంపెనీ ఓపెన్ ఏఐ సెర్చ్ ఇంజన్ ను తీసుకొచ్చింది. ఇప్పటికే పెయిడ్ వినియోగదారులకు మాత్రమే అందుబాటులో ఉండే ఈ సదుపాయాన్ని అందరికీ ఉచితంగా అందిస్తున్నట్లు తాజాగా నిర్వహించిన కార్యక్రమంలో పేర్కొంది.
ఇకపై సబ్స్క్రిప్షన్ తో పని లేకుండా ఎవరైనా చాట్ జీపీటీ సెర్చ్ ఇంజిన్ ను వినియోగించుకోవచ్చని తెలుస్తోంది. మరిన్ని సదుపాయాలను దీనికి జోడించినట్లు తెలిపింది. చాట్ జీపీటీ ఆప్టిమైజ్ వెర్షన్ ను ఆవిష్కరించింది. ఇక ఇందులో తాజాగా అడ్వాన్స్డ్ వాయిస్ సెర్చ్ మోడ్ ఫీచర్ ను తీసుకొచ్చింది. వాయిస్ కమాండ్ల ద్వారా ప్రశ్నలు అడిగి సమాధానాలు పొందొచ్చు. చాట్ జీపీటీ లాగిన్ అయిన యూజర్లందరూ సెర్చ్ ఇంజిన్ యాప్, వెబ్సైటు ఉచితంగా వినియోగించుకోవచ్చు.
